LA Organizers 4 Burma: September 2010

ငြင်းပယ်ရဲတဲ့ သတ္တိ

"ပြည်သူလူထုတွေကို ကျနော်ပြောချင်တာကတော့ မကြိုက်တဲ့အရာတွေကို ငြင်းပယ်ဖို့သတ္တိရှိကြပြီး အမှန်ကိုမလုပ်ရဲရင်တောင်မှ အမှားတွေကိုမထောက်ခံမိကြဖို့ တိုက်တွန်းနှိုးဆော်ချင်ပါတယ်"
ဇေယျာသော်
Generation Wave
(တရားခွင်တွင် စီရင်ချက်ချမှတ်ရန် ၁၀မိနစ်အလိုတွင် ပြောသွားခဲ့သောစကားများမှ)

အထက်ပါမှတ်ချက်လေးမှာ မတရား ထောင် ၆ နှစ်ကျခံထားရသူ တေးရေးနဲ့ ဟစ်ဟော့အဆိုတော် ဇေယျာသော်ရဲ့ ပြောင်မြောက်လှတဲ့ စကားလုံးများဖြစ်ပါတယ်။ သူ့ ရဲ့ တိုက်တွန်းချက်ဟာ သာမန်ပြည်သူများ ကိုသာမက ပြည်သူကို ဖျော်ဖြေအသုံးခံနေတဲ့ အနုပညာရှင်များအတွက်ပါ မှန်ကန်တဲ့နှိုးဆော်ချက်ဖြစ်နေတာမို့  အစိုးရပေါ်လစီဝါဒဖြန့် ရုပ်ရှင်ဇာတ်ကားဖြစ်တဲ့ အာရုံဦးမှာဖူးတဲ့ကြာဇာတ်ကားနဲ့ ယင်းဇာတ်ကားမှာ ပါဝင် သရုပ်ဆောင်ထားတဲ့ အဆိုတော် ၀ိုင်းစုခိုင်သိန်းအားရှုတ်ချတဲ့ Los Angeles မြို့ က ဆန္ဒပြပွဲမှာ ပေါ်လွင် ထင်ရှား လူကြိုက်များတဲ့ စကားလုံးများဖြစ်လာပါတယ်။

ဆန္ဒပြပွဲကို အချိန်တိုအတွင်းမှာ စီစဉ်ကျင်းပလိုက်ရခြင်းအကြောင်းက တီးဝိုင်းလုပ်ဖို့ တပတ်အလိုကျမှ ကပ်၍ အရင်က ရယူထားသော သဘောတူညီချက်ဖြစ်တဲ့ ၀ိုင်းစုခိုင်သိန်းအား အယ်အေမြို့ တွင် ပါဝင်သီဆိုခွင့်မပြု ဟူသောကတိကို ပွဲစီစဉ်သူများက မရိုးသားစွာ တဖက်သတ် ဖျက်သိမ်းလိုက်ပြီး သူမကို ပါဝင်သီဆိုခွင့်ပြုမယ် လို့ ဆုံးဖြတ်လိုက်ခြင်းကြောင့်ဖြစ်ပါတယ်။ အခုလို ပေးထားတဲ့ကတိကိုဖျက်ခြင်းဟာ အယ်အေမြို့ ရှိ ဒီမိုကရေစီ မိသားစုများကို စော်ကားလိုက်ရုံသာမက လူကြီးလူကောင်းမဆန်တဲ့ လုပ်ရပ်တခုဖြစ်ပြီး သူတို့ တရားဝင် ထုတ်ပြန်ထားတဲ့ကြေညာချက်ကိုလည်း ခြေနဲ့ ဖျက်ပစ်ခြင်းဖြစ်ပါတယ်။ ပို၍ဆိုးဝါးသည်မှာ စစ်အစိုးရ (မြန်မာ သံရုံး) ၏ ဖိအားကြောင့် ယခုလိုလုပ်ရသည်ဟု သိရှိရခြင်းဖြစ်ပါတယ်။ ဒါကြောင့် ဆန္ဒပြပွဲဟာ စစ်အစိုးရ အလိုတော်ရိ အဆိုတော်တဦးအား ဆန္ဒပြတဲ့ သာမန်ဆန္ဒပြပွဲတခုမဟုတ်တော့ပဲ စစ်အစိုးရ၏ ဖိနှိပ်မှုကို ဆန့် ကျင်တဲ့ပွဲ၊ ပြည်တွင်းက ပြည်သူများမလုပ်ဆောင်နိုင်သော ဆန္ဒကို ဖော်ထုတ်တဲ့ပွဲ ဖြစ်လာပါတယ်။

တီးဝိုင်းသို့ သွားကြည့်ကြသူများဟာ သူတို့ ရဲ့ကိုယ်ပိုင် အခွင့်အရေးအရ ကိုယ့်သမိုင်းကို ကိုယ်ဆုံးဖြတ်သူများ သာဖြစ်ပါတယ်။ မိမိတို့ အနေဖြင့် ဤတီးဝိုင်းဖြစ်မြောက်ရေးအတွက် ငွေမျက်နှာတခုတည်းကို ကြည့်သော စီးပွားရေးသမား ပွဲစီစဉ်သူ မောင်မောင် လွင် (ကနေဒါ)၊ အယ်အေက ဒေသခံ ပွဲစီစဉ်ပေးသူများနဲ့ ဝိုင်းဝန်း ကူညီကြသော အယ်အေ ဒေသခံများကို ပြည်တွင်းမှ မြန်မာပြည်သူများကိုယ်စား လုံးဝ အပြစ်တင် ရှုတ်ချပါ တယ်လို့ L.A. Organizers for Burma အဖွဲ့ က ထုတ်ပြန်ကြေညာခဲ့ပါတယ်။

စစ်အစိုးရ အလိုတော်ရိ ပွဲစီစဉ်သူများက မြန်မာပြည် စစ်အစိုးရထုံးစံအတိုင်း ငြိမ်းချမ်းစွာ ဆန္ဒပြသူများအား ပုလိပ်နှင့်လုံခြုံရေးအရာရှိများကို အသုံးချ ဖိအားပေးကာ အနှောင့်အယှက်ပေးဖို့ ကြိုးစားခဲ့ပါသေးတယ်။ သို့  သော် ပွဲလုံခြုံရေးယူထားသူများက ဆန္ဒလာပြသူများကို လေးစားသည့်အပြင် ရင်းနှီးဖော် ရွေစွာ ဆက်ဆံခဲ့ပါ တယ်။ စစ်အစိုးရကို ဆန့် ကျင်တဲ့ဆန္ဒပြပွဲဟုသိထားတဲ့အတွက် စာနာသောအားဖြင့် အတွင်းစည်းအထိ ၀င် ရောက် ဆန္ဒခြင်းကို ခွင့်ပြုခဲ့ပါတယ်။ ဒါဟာ ဆန္ဒပြသူများရဲ့ အောင်မြင်မှုဖြစ်ပြီး ပွဲစီစဉ်သူတွေရဲ့ ကျဆုံးမှုတခု ဖြစ်ပါတယ်။ ဆန္ဒပြသူများကို ပွဲစီစဉ်သူအချို့ က လာရောက် ဓါတ်ပုံရိုက်ယူတာတွေရှိပါတယ်။ သွယ်ဝှိုက်တဲ့ နည်းနဲ့ ခြိမ်းခြောက်တဲ့ သဘောမျိုး၊ စစ်အစိုးရရဲ့ လုပ်ဆောင်ချက် ပုံစံမျိုး အတိအကျဆောင်နေတာ ပေါ်လွင် နေပါတယ်။

ဆန္ဒပြပွဲကြောင့် ပွဲစီစဉ်သူများ ငွေကြေးအရ အကြီးအကျယ် ဆုံးရှုံးမှုများ ရှိလာပါတယ်။ လုံခြုံရေးများ ထပ်ငှား ရခြင်း၊ ပွဲမကြည့်လိုသူများအား လက်မှတ်ဖိုး ပြန်အမ်းရခြင်း၊ လူအ၀င်နည်းခြင်းတို့ ကြောင့် စီးပွားရေး အရ အထိနာတဲ့ ပွဲတပွဲဖြစ်ပါတယ်။ အဲဒါဟာ အယ်အေမြို့  ပြည်သူတွေက စစ်အစိုးရကို မျက်နှာလုပ်သူများ အား ဒဏ်ခတ်ခြင်းဖြစ်ပြီး နောက်နောင် ဒီလိုမျိုး အစိုးရက နောက်ကွယ်ကနေ ထောက်ခံအားပေးတဲ့ အရာမှန် သမျှကို ဆန့် ကျင်သွားမယ် ဆိုတာကိုလည်း ပြတ်ပြတ်သားသား အသိပေးလိုက်ခြင်းပဲ ဖြစ်ပါတယ်။

ဘာပဲပြောပြော ဒီဆန္ဒပြပွဲလေးဟာ အနှောက်အယှက်များကြားထဲမှ ငြိမ်းငြိမ်းချမ်းချမ်းနဲ့ ပဲ အောင်မြင်စွာ ပြီးဆုံး ခဲ့ပါတယ်။ အဲဒါဟာလည်း အယ်အေမြို့ ဒီမိုကရေစီ မိသားစုများရဲ့ စည်းကမ်းရှိမှု အဆင့်အတန်းကို ပြသတာဖြစ် တယ်လို့ ဆန္ဒပြပွဲကိုလာရောက်အကဲခတ်သူတဦးက မှတ်ချက်ပေးသွားပါတယ်။ ဆန္ဒပြပွဲသတင်းကို ဒေသခံ သတင်းဌာနက ပုဂ္ဂိုလ်များ၊ ပွဲလက်ခံပြုလုပ်တဲ့ အထက်တန်းကျောင်းမဂ္ဂဇင်းက သတင်းထောက်များနဲ့ တသီး ပုဂ္ဂုလိက သတင်းထောက်များက သတင်းလာယူတဲ့အတွက် မြန်မာဒီမိုကရေစီအင်အားစုများအတွက် အကျိုးရှိ တဲ့ ပွဲတခုဖြစ်ပြီး L.A. Organizers အဖွဲ့ ရဲ့ အောင်မြင်တဲ့ ခြေလှမ်းတလှမ်း ဖြစ်တယ်လို့ သိရပါတယ်။ ဒီလို မနှစ်မြို့ ဖွယ် စစ်အစိုးရအလိုကျ တေးဂီတဖျော်ဖြေပွဲကို မကျင်းပကြဖို့ ကိုလည်း L.A. Organizers အဖွဲ့ က အခြား အမေရိကားမြို့ တွေနဲ့  နိုင်ငံတကာမှ မိသားစုများကို အလေးအနက်တိုက်တွန်း နှိုးဆော်လိုက်တယ်လို့  သိရပါတယ်။

ဒီဆန္ဒပြပွဲကို ရင်ထဲ၊ အသည်းထဲက ခံယူချက်အပြည့်နဲ့ လာရောက်ဆန္ဒပြသူတဦးကို သတင်းထောက်တဦးက ဒီပွဲရဲ့အဓိက အကျိုးအမြတ်ကဘာလဲလို့  မေးမြန်းတဲ့အခါ သူပြန်ပြီးဖြေခဲ့တာက...နိုင်ငံအနှံ့ ရောက်ရှိနေတဲ့ မြန်မာပြည်သူများ၊ ပြည်သူရဲ့ငွေ၊ နိုင်ငံရဲ့ဘဏ္ဍာငွေတွေကိုရယူပြီး ပြည်သူဖက်မှ မရပ်တည်တဲ့ အနုပညာရှင်များ နဲ့ အစိုးရ၀န်ထမ်းများ၊ နီးရာဓါးကို ကြောက်နေရတဲ့ သာမန်ပြည်သူများအားလုံးကို မှားတဲ့အရာတွေကို ငြင်းပယ် ရဲတဲ့သတ္တိရှိဖို့ လိုပြီး အမှန်တွေကို မလုပ်ရဲတာတောင်မှ အမှားတွေကို မထောက်ခံကြဖို့ ဆိုတဲ့ စကားလေး တခွန်းကို ပေးလိုက်ရတာပဲဖြစ်တယ်လို့ ဖြေကြားသွားပါတယ်။

(ကိုဇေယျာသော်အား ဦးညွတ်လျက်)

ဒေါင်းဂွင်